Epiko 21: "Ano Ang Mas Masakit: Ang Saktan Ka ng Mahal Mo o Saktan Mo Ang Taong Mahal Mo?"

Mahirap talaga mag-let go sa isang relasyon. Pero ang katotohanan na kung minsan ay itinuturing natin ang taong minahal natin ay nagiging kaaway na natin o di kaya ay nakakasamaan na ng loob. Normal lang 'yan dahil ang totoo ay naranasan ko na ito

Pero ang tanong: Ano ang mas masakit: ang saktan ka ng mahal mo o saktan mo ang taong mahal mo?

Isa itong napakahabang diskusyon lalo na sa mga mambabasang iba sa pananaw ko. Pero mas maganda kung paiksiin natin para mas madali mong maintindihan

Para sa akin, masakit ang saktan ka ng mahal mo lalo na kung wala ka namang ginawang kasalanan. Tatanungin natin sa ating sarili kung bakit at ano ang dahilan niya. Mas mahirap lalo kung hindi ka niya kakausapin at sasabihin ang tunay na dahilan.

Pero mas masakit pala ang ikaw mismo ang mananakit ng taong mahal mo. Gustuhin mo man o hindi, ang totoong masasaktan ay ang sarili mo. Kung ano man ang dahilan, isa itong malaking palaisipan.

Pero bakit ba nangyayari ang isang masakit na katotohanan tulad nito?

Sabi ni John Atkins (mas kilala bilang Ja Rule) sa kantang Always on Time, "Love is Pain." Kapag nagmahal ka, be ready for rejection. Kasabay ng pagmamahal ay masasaktan ka (kaya dapat paghandaan mo ito). Para ka kasing sumusugal sa hindi malaman kung suswertehin ka o hindi. 90% ng pagmamahal ay may kapalit na sakit at sa 'yo lang 'yon. The remaining 10% ay sa taong sinaktan mo.

Kaya kung handa kang magmahal, ihanda mo na ang sarili mong masaktan.

Tulad na lang ng isang karanasan ng isang kaibigan kong si Jamir. Nakipag-break ang girlfriend niya dahil sa hindi malaman na dahilan. Nasaktan siya (siyempre!) at itinuring niyang kaaway ang ex niya. Sa bawat pagkakataon na sila ay nagkikita ay hindi niya maiwasan ang magparinig sa babae ng masasakit na salita o di kaya ay sadyain na banggain ito at hindi humihingi ng sorry. Pero deep inside, naghihirap ang kalooban niya dahil hindi pa din niya maialis na mahal pa niya ito at kaya niya ito ginagawa sa ex niya ay para makaganti.

Yun ang hindi dapat gawin ng isang taong iniwan o sinaktan - ang maghiganti.

Simple lang ang paliwanang dito. Kapag gumanti ka, mas ipinapakita mo na hindi mo mahal ang sarili mo. Paano ka magmamahal kung hindi mo mahal ang sarili mo? Alam kong masakit pero dadating din ang panahon na ang sakit na nararamdaman mo ay tila magmamanhid sa 'yo hanggang sa wala ka nang maramdaman na sakit.

Hindi mo kailangang saktan ang mahal mo dahil gusto mong gumanti. Mas isipin mo na lang na mas nasasktan siya dahil sinaktan ka niya lalo na kung wala kang ginawang kasalanan.

Sa bandang huli, kailangang patawarin mo siya para makawala ka sa sakit na nararamdaman mo ngayon.

Maiksi lang ang akda ko ngayon. Hindi ko kailangang magpaligoy-ligoy dahil guguluhin lang nito ang isip mo.